Madaling Mahulog, Mahirap Umalis

Madaling mahulog , mahirap umalis

Lalo na't Minahal mo siya nang ganun kabilis

Pinahalagahan mo ng labis labis

Labis pa sarili mo, kaya naman nakalimutan mong

may buhay ka rin pala sa mundo

Madaling mahulog mahirap umalis

Umalis sa katotohanang Ibinigay mo ang lahat lahat

Ginawa mo yung Alam mong dapat

Kahit alam mong kailanman hindi ka magiging sapat

Kahit gaano pa kahirap ay pilit mong hinarap

Kaya naman ngayon ay kailangan humarap

Humarap sa katotohanang Hanggang dito ka na lang,

Madaling mahulog mahirap umalis

Umalis at harapin ang katotohanang

kailangan mong bumangon at umahon

Mula sa pagsabay mo sa sayaw ng alon

Kailangan bumangon at harapin ang bagong hamon

Madaling mahulog mahirap umalis

Umalis sa katotohanang pagod ka na

Pero pilit kang ngumingiti at pilit mong kinakaya

Bumitaw ka na, hanggat kaya mo pa

Umayaw ka na, habang maaga pa

Magpahinga ka, dahil kailangan mo

Hindi dahil sa gusto ng ibang tao

Dahil yun ang deserved mo

Yun ang kailangan ng katawan mo

Madaling mahulog mahirap umalis

Umalis sa katotohanang Tama na, itigil mo muna

Huminga ka, para sa sarili mo at Hindi para sa iba

Kahit ngayon lang bigyan mo nang halaga

Yung sarili mo na pinabayaan mo na

Aalis ka Hindi ibig sabihin ay Sumuko ka

Maaaring napagod ka lang at mas pinili mo lang magpahinga

Oo, Magpahinga, bagay na dapat ay matagal mo nang ginawa

Madaling mahulog mahirap umalis

Umalis at tanggapin na ang darating na bukas

ay kailangan mo nang harapin ...