Salamat, Paalam (spoken poetry)

Sumulat ako ng isang Tula

Tula na malapit ng matapos

Ngunit hindi ko alam

kung paano bibigyan ng katapusan

Tula na hanggang ngayon ay

hindi ko alam kung paano tutuldukan

Tula na malawak ang nilalaman

Pero sa lawak ng nilalaman

ang nangibabaw ay dalawang salita lamang

Dalawang Salita

Ang salitang Salamat, Paalam, Paalam, Salamat

Dalawang simpleng salita na may tig-tatlong pantig

Salita na madaling bigkasin

pero ang hirap bitawan

Salita na nais Kong sabihin

pero di ko alam kung saan sisimulan

Hindi ko alam ,

Oo , Hindi ko alam kung saan sisimulan,

Dahil ang alam ko lang, ayoko pang matapos,

ayoko pang wakasan,

Ayoko pang tuldukan, pero kailangan

Kailangan ,

dahil kailangan kong pansamantalang magpaalam

at lisanin ang Inang Paaralan ,

paaralan na itinuring kong sariling tahanan

tahanan kung saan nagkaroon ako ng matatawag na Pamilya

Pamilya na mayroong Ina

Ina na hindi lang isa, hindi lang dalawa, tatlo

dahil apat sila

Sila na itinuring kong pangalawang Ina

Sila na hindi ako itinuring na iba,

Sila na masasabihan mo ng problema,

Sila na handang ipagtanggol ka,

Sila na Kasama sa Tawanan at kwentuhan

Sila na kasama sa masasayang ala-ala

Ala-ala na maaaring baunin saan man magpunta,

Ala-ala na dadalhin ng may ngiti sa labi

Ala-ala na hindi matutumbasan ng kung sino man,

Ala-ala na hinding hindi ko malilimutan

Ngunit bago pa matapos itong saknong ng tula

ay nais kong iwanan ang dalawang salita

ang Salitang Salamat, at salitang Paalam

Paalam ngunit hindi pa dito natatapos ang tula ito,

dahil sa mga susunod pang saknong ay umaasa ako

na ang makakasama kong muli ay kayo

Salamat dahil nagkaroon ako ng rason

upang ipagpatuloy ito,

ngunit sa ngayon ay kailangan ko munang tuldukan

ang taludtod na hanggang dito nalang

kasabay nang pagsara ng huling taludtod sa aking Tula,

ay ang di ko mapigilang pagpatak ng luha

sa aking mga mata

hindi ko alam kung dulot ba ito ng lungkot

o dulot ng saya

ang alam ko lang

naramdaman ko ang salitang Saya

nung panahong nakilala ko kayo at nakasama ...