Anong Nangyari sa ating dalawa?

anong nangyari sa ating dalawa ?

ang alam ko lang noon mahal kita

minahal kita ng labis pa sa labis

kahit alam kong masyadong mabilis

Minahal kita kahit marami ang kontra

na kahit pamilya ko ay tinalikuran ko na

maging mga kaibigan ko na ayaw sayo

silang lahat ay tinalikuran at kinalimutan ko

anong nangyari sa ating dalawa?

ang alam ko lang noon masaya akong kasama ka

masaya tayo sa isa't isa habang magkahawak kamay

at sabay na naglalakbay

ngunit bakit nang minsa'y tanungin kita

kung ano na nga bang meron sa ating dalawa

ngumiti ka lang at sumagot , at sinabing "Masaya"

napaisip ako, pero tinanggap ang sagot mo

dahil ang katwiran ko " Kasi nga Mahal ko"

at isang araw nagulat ako walang text o chat galing sayo

hindi ka sumasagot sa lahat ng messages ko

at heto ako nag-aalala , natatakot, nangangamba

ano na bang nangyari sayo, nasaan ka na ba?

Lumipas ang araw, linggo at buwan,

wala ka pa rin kahit isang paramdam

iniwan mo ako tila ba sa kawalan

naiwan ako nang walang kaalam alam

Maraming tanong ang gumugulo sa isipan

mga tanong na hanggang ngayon ay walang kasagutan

wala akong magawa pinilit kong hanapin ka

ngunit nagulat ako nang makita kita

imbis na matuwa ay bigla akong naluha

nakita kita habang kasama mo Siya

magkahawak ng kamay at kapwa masaya

ano nga bang nangyari sa ating dalawa?

matatanggap ko sanang pinagpalit mo ko sa iba

pero ang di ko matanggap bakit sa BEST FRIEND ko pa?